Александр Недовесов Аустриядағы турнирдің ширек финалына шықты

23:26, 23 шілде 2024

© Сурет: ҚТФ

Қазақстанның жұптық сындағы бірінші, әлемнің 54-ракеткасы Александр Недовесов Китцбюэль (Аустрия) ATP 250 турнирінің ширек финалына шықты, деп хабарлайды Zakon.kz.

Жарыстың 4-ракеткасы болып тіркелген қазақстандық теннисші эквадорлық Гонсало Эскобармен бірге алғашқы айналымда сербиялықтар Иван Сабанов — Матей Сабановпен сынға түсті.

Недовесов — Эскобар қарсыластарын 6:3, 6:3 есебімен жеңді.

Матч кезінде қазақстандық-эквадорлық жұп бір эйспен бірге 11 брейк-пойнттың алтауын пайдаланды.

Александр Недовесов — Гонсало Эскобар жартылай финалға өту үшін жарыстың 5-ракеткалары, германиялықтар Хендрик Йебенс — Константин Франценмен кездеседі.

Источник: zakon.kz


Подписывайтесь на наш Telegram-канал. Будьте в курсе всех событий!
Мы работаем для Вас!