Ақтөбеде жастар арасында жаппай төбелес болып, бір бозбала көз жұмды
![](https://mail.kz/images/0f2de978fb8a1365739c0655564ab906-slider.jpg)
© Сурет: freepik
Ақтөбеде жастар арасындағы жаппай төбелестен 18 жастағы бозбала қаза тапты. Тағы сегіз жігіттің аяғына оқ тиіп, ауруханаға түскен. Қазір науқастардың палатасын тәртіп сақшылары күзетіп тұр, деп хабарлайды Zakon.kz.
Бір мезетте облыстық жедел жәрдем ауруханасына оққа ұшқан тоғыз жігіт жеткізілді. Барлығы аяғынан жараланған. Ал, бір науқасқа оқтан бөлек бірнеше жерінен пышақ сұғылған. Жағдайы тым ауыр болған 18 жастағы жігітті дәрігерлер ажалдан арашалап қала алмады, деп хабарлайды КТК.
"Бірінші науқасты әкелді, жас баланы. Келген кезде клиникалық өліммен әкелді. Реанимациялық жұмыстар жүргізілді. Бірақ та қайтыс болды. Қалған сегіз адам тұрақты, емделіп жатыр".Ақтөбе облысы жедел жәрдем ауруханасының дәрігері Жасұлан Орымбаев
18-22 жас аралығындағы жастар мал базары маңындағы жанармай бекеті жанында жаппай төбелескен. Артынан қару алып атысуға дейін барыпты. Жаппай төбелес кезінде қаза тапқан студент өндірістік тәжірибеден оралған күні екен.
"Практикада жүрген. Технологияда практикада жүріп, келіп есебін тапсыруға тиіс болатын. Практиканы өзінің тұрған жері Шалқар ауданы, Бозой елдімекені КС стансасында өткізді. Сол екі ортада бүгін түнде осындай жағдайды естіп отырмыз. Ол тек бір отбасының ғана емес, біздің оқу орнының қайғысына айналып отыр". Ақтөбе жоғары политехникалық колледжінің директоры Жеңіскүл Мұхамбетпайызова
Адам өлімімен аяқталған төбелеске қатысты төрт жігіт қамауға алынды. Қазір оларды тәртіп сақшылары тергеп жатыр.
"Полиция осы қылмыс жасады деген күдікпен төрт азаматты ізін суытпай анықтап, ұстады. Күдіктілер уақытша ұстау изоляторына қамалды. Адам өлтіру және бұзақылық деректері бойынша сотқа дейінгі тергеп-тексеру басталды". Ақтөбе облысы ПД баспасөз қызметінің жетекшісі Ерболат Сарқұлов
Аяғынан жараланып ауруханада жатқан сегіз жастың палатасына күзет қойылған. Ал жаппай төбелестің себебі енді анықталып жатыр.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады