Ақтаудағы ұшақ апатынан қаза тапқандардың мәйітін туыстары қашан алып кете алады

Бас көлік прокуроры Тимур Сүлейменов айтты брифингіде Ақтау маңындағы ұшақ апатынан қаза тапқандардың мәйіті туралы айтты, деп хабарлайды Zakon.kz.

Премьер-министрдің орынбасары Қанат Бозымбаев бұл факті бойынша ҚР Қылмыстық кодексінің 344-бабы "Жол қозғалысы немесе темір жол, әуе, теңіз немесе өзен көлігін пайдалану қауіпсіздігі қағидаларын бұзу" бойынша қылмыстық іс қозғалғанын айтты.

Тимур Сүлейменов Бас прокурордың бұйрығымен ведомствоаралық жедел-тергеу тобы құрылғанын жеткізді. Оның айтуына қарағанда, қазір қажетті тергеу шаралары жүргізіліп жатыр.

"Иә, туыстары (мәйітті - ред. еск.) марқұмдардың жеке басын анықталып, бірқатар тергеу амалдарын жүргізгеннен кейін алып кете алады", - деді ол.

Ол сондай-ақ "қара жәшіктің" табылып, қылмыстық іс бойынша материалдарға қосылғанын айтты.

Бұған дейін Ақтауда ұшақ құлаған жерде жергілікті ауқымдағы төтенше жағдай енгізілгені хабарлаған едік.

Қайғылы оқиға 25 желтоқсан күні түскі уақытта болды. Бакуден Грозныйға ұшып шыққан жолаушылар ұшағы Ақтау әуежайының маңында апатқа ұшырады.

Кейінгі мәлімет бойынша, Ақтаудағы ұшақ апатынан аман қалғандар саны - 29 адам. Ұшақ құстармен соқтығысқан болуы мүмкін. Бортта Қазақстан азаматтары да болған. Ұшақта болған алты қазақстандықтың бәрі қаза тапты.