Ақтауда ұшақ апаты: марқұм ұшқыштардың аты-жөні белгілі болды

Қазақстанда апатқа ұшыраған Әзербайжан ұшағы экипажының есімдері белгілі болды, деп хабарлайды Zakon.kz.

Қазақстанда апатқа ұшыраған Әзербайжан ұшағы экипажының есімдері белгілі болды, деп хабарлайды Zakon.kz.

Lada.kz басылымының хабарлауынша, Ақтауда ұшақ апатқа ұшыраған кезде лайнерді келесі экипаж мүшелері басқарған:

• Кшнякин Игорь;
• Калянинов Александр;
• Алиева Хёкюма;
• Эсадов Зюльфюгар;
• Рагимли Айдан.
  

БАҚ-тың алдын ала хабарына қарағанда, Қазақстандағы Embraer 190 AZAL ұшағының апатқа ұшырауы салдарынан ұшақ экипажының ешбірі аман қалған жоқ.

Кейінгі мәлімет бойынша, Ақтаудағы ұшақ апатынан 29 адам аман қалды.

ҚР Денсаулық сақтау министрлігінің баспасөз қызметі хабарлауынша, зардап шеккендердің барлығы түрлі медициналық мекемелерге жеткізілді.

"Оларға облыс ауруханаларында барлық қажетті медициналық көмек көрсетіледі. Оқиға орнына 23 жедел медициналық жәрдем бригадасы жұмылдырылды", - деп хабарлады ведомство.

2024 жылғы 25 желтоқсанда Ақтау әуежайының маңында жолаушылар ұшағы апатқа ұшырады. Ұшақ Әзербайжан әуе компаниясына тиесілі екені белгілі болды. Оқиғаға дейін ұшақ құстармен соқтығысқан болуы мүмкін. Ұшақта Қазақстан азаматтары да болған.