Ақтауда алаяқтар ата-аналарды алдап соқты

Ақтауда 100-ден астам ата-ана балаларын университетке грантқа түсірем деп, алаяқтарға жем болды.

Өздерін жоғары оқу орнының қызметкерлеріміз деп таныстырған 2 әйелге, қомақты қаражат берген, деп жазады qazaqstan.tv.

Алайда сабақ басталғанда, балаларын студенттер тізімінен таппаған.

Оқу орнының баспасөз қызметі алаяқтардың университетке қатысы жоқ деп мәлімдеді.

Сондай-ақ, ішкі тергеу жүргізіліп, құзырлы органға шағым түсірілген. Қазір күдіктілер ұсталды.