Ақтау тұрғыны үйдің кіреберісіне киім-кешек жайып қойғаны үшін айыппұл арқалады

Ақтауда 32Б шағынауданының тұрғыны жуылған киімдерін көпқабатты үйдің кіреберісіне жайып қойғаны үшін жауапқа тартылды, деп хабарлайды Zakon.kz.

Өңірдегі полиция департаментінің мәліметіне сүйенсек, тұрғынның бұл әрекеті ҚР ӘҚБтК-нің 505 бабы бойынша абаттандыру қағидасына қайшы келеді.

Бұл бап жеке тұлғаларға — 20 АЕК (78 640 теңге) мөлшерінде ескерту немесе айыппұл салуды көздейді.

Посмотреть эту публикацию в Instagram

Публикация от Ақтау Қаласы Полиция Басқармасы (@up_aktau_polisia)

Ақтау қаласының полициясы тұрғындарды қала көркін сақтау ережелерін сақтауға және киім-кешекті үйде кептіруге шақырады.

Бұған дейін Астанада Бейсекова мен Тілендиев қиылысы үш айға уақытша жабылатындығы хабарланған болатын.