Ақтау халықаралық әуежайы бір ай бойына күндіз жұмыс істемейді

15:56, 24 қыркүйек 2023

© Сурет: primeminister.kz

23 қыркүйектен 23 қазанға дейін Ақтаудағы әуежай таңертеңгі және кешкі рейстерді қабылдап алу-жөнелту кезінде ғана жұмыс істейтін болады, деп хабарлайды Zakon.kz.

Мұндай жағдай 2023 жылдың 23 қыркүйегі мен 23 қазаны аралығында (күн сайын жергілікті уақыт бойынша 09:00-ден 21:00-ге дейін) жүзеге асырылатын ұшу-қону жолағындағы жөндеу жұмыстарына байланысты орын алып отыр, деп жазады InAktau.

"Жол төсемдері бетіне жүргізілетін ағымдағы жөндеу жұмыстары ұшу, ұшақтар мен жолаушылардың қауіпсіздігін қамтамасыз етуге байланысты қолға алынып отыр. Жөндеу жұмыстары кезеңінде рейстер уақыты таңертең және кешкіге ауыстырылады, әуе компаниялар өкілдерінен ақпаратты алдын ала нақтылап алу ұсынылады", делінген хабарламада.

Әуежай әкімшілігі жолаушылардан бұл жайтқа түсіністікпен қарауды сұрайды.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!