Ақмола облысының тұрғыны өз үйінде құрамында алтыны бар материалдарды заңсыз өндірген

Ақмола облысында полицейлер құрамында алтыны бар материалды қайта өңдеу бойынша шағын цехтың көзін жойды, деп хабарлайды Zakon.kz.

Өңірлік ПД баспасөз қызметінің хабарлауынша, 50 жастағы ауыл тұрғыны заңсыз өндіріс жүргізген. Полиция қызметкерлері ұсақтау аппараты мен басқа да жабдықтарды ақмолалықтың тұрғылықты жерінен тапты.

Бұл фактіні құқық қорғау органдары ҚР ҚК 295-1-бабы 1-бөлігі бойынша сотқа дейінгі тергеп-тексерулердің бірыңғай тізілімінде тіркеді.

Тергеу шаралары жалғасып жатыр.

Іс бойынша айыпталушылар 200 АЕК-ке дейінгі көлемде айыппұл, 200 сағатқа дейін қоғамдық жұмыстар немесе 50 тәулікке дейін қамауға алу түрінде жаза кесілуі мүмкін.