Айдын Құлсейітов лауазымынан босатылды

Мемлекет басшысының өкімімен Айдын Құлсейітов лауазымынан босатылды, деп хабарлайды Zakon.kz.

Бұл жайлы 2025 жылғы 2 сәуірде Ақорда мәлімдеді.

"Мемлекет басшысының өкімімен Айдын Жеңісұлы Құлсейітов Қазақстан Республикасы Президенті Әкімшілігінің Әлеуметтік-экономикалық саясат бөлімінің меңгерушісі лауазымынан босатылды",- делінген ақпаратта.

Айдын Жеңісұлы Құлсейітов:

1976 жылы Өскемен қаласында туған.

1997 жылы – Шығыс Қазақстан мемлекеттік техникалық университетін; 2004 жылы – Қазақстан Республикасы Президентінің жанындағы Мемлекеттік қызмет академиясын аяқтаған.

Техника ғылымдарының кандидаты.

1996-2000 жылдары – коммерциялық құрылымдарда жұмыс істеген.

2000-2003 жылдары – Өскемен қаласының Индустрия, сауда және шағын бизнес басқармасының Индустрия және экология бөлімінің бас маманы, бастығы.

2003-2004 жылдары – Қазақстан Республикасы Президентінің жанындағы Мемлекеттік қызмет академиясының тыңдаушысы.

2004-2008 жылдары – Қазақстан Республикасы Индустрия және сауда министрлігінің Тұтыну тауарлар бөлімінің бастығы, Өнеркәсіптің тау-кен және өңдеу салалары басқармасының, Индустриалдық саясат департаментінің директоры, Хатшылық – Стратегиялық жоспарлау және жинақы талдау департаментінің директоры, Қазақстан Республикасы Энергетика және минералдық ресурстар министрлігінің Стратегиялық жоспарлау және салааралық үйлестіру департаментінің директоры.

2008-2009 жылдары – Қазақстан Республикасы Президенті Әкімшілігінің Әлеуметтік-экономикалық мониторинг бөлімі меңгерушісінің орынбасары.

2009-2014 жылдары – "Ұлттық инновациялық қор" АҚ басқарма төрағасы (қайта ұйымдастырудан кейін "Технологиялық даму жөніндегі ұлттық агенттік").

2014-2017 жылдары – "Қазақстандық индустрия дамыту институты" АҚ-ның басқарма төрағасы.

2017-2019 жылдары – Қазақстан Республикасы Президенті Әкімшілігінің Стратегиялық әзірлемелер және талдау орталығының меңгерушісі.

2019-2023 жылдары – Қазақстан Республикасы Президенті Әкімшілігінің Стратегиялық жоспарлау бөлімінің меңгерушісі.

2023 жылғы 20 шілдеде Мемлекет басшысының өкімімен Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі болып тағайындалды.

2023 жылғы 1 қыркүйекте Мемлекет басшысының өкімімен Қазақстан Республикасы Президенті Әкімшілігінің Әлеуметтік-экономикалық мониторинг бөлімінің меңгерушісі болып тағайындалды.

Қазақ, орыс, ағылшын тілдерін меңгерген.

Қазақстан Республикасының Құрмет грамотасымен марапатталған (2014).