Абай облысында өзенге автокөлік құлап кетті

2025 жылғы 5 қаңтарда таң сәріде Полковничий аралында, Бүркіт ұясы маңында жеңіл автокөлік жардан құлап, Ертіс өзеніне түсіп кетті, деп хабарлайды Zakon.kz.

ІІМ мәліметінше, оқиға туралы алғашқы хабарлама оларға 6:00-де түскен.

"Алдын ала мәліметтер бойынша, көлік ішінде төрт адам болған",- делінген ведомство ақпаратында.

Оқиға орнына жедел түрде полиция қызметкерлері мен құтқарушылар жіберілді. Қазіргі уақытта іздестіру-құтқару жұмыстары жүргізіліп, оқиғаның барлық мән-жайы анықталуда.

Сурет: polisia.kz

Полиция жол қозғалысы қауіпсіздігін қамтамасыз етудің маңыздылығын еске салады және барлық азаматтарды мұндай қайғылы жағдайлардың алдын алу үшін жол қозғалысы ережелерін қатаң сақтауға шақырады.

Бұған дейін Қытайдағы көкөніс базарында бірнеше адам тірідей өртенгендігі хабарланған болатын.