22 млрд қарыз: Қазақстанда алимент төлемейтіндерді такси мен букмекер кеңселер арқылы іздеп жатыр

Қазақстанның прокуратурасы алимент төлеуден жалтарған 6 мың борышкерді жауапқа тартты. Тіпті олар такси қызметі мен букмекер кеңселер арқылы қасақана төлемегендерді іздейді, деп хабарлайды Zakon.kz.

ҚР Бас прокуратурасының мәліметінше, қадағалаушы мекеме жұмысының арқасында 140 мың балаға 23 миллиард теңге көлеміндегі алимент берешегін өтеуге мүмкіндік туды. Тұрақты төлемейтіндердің қалған қарызы – 22 млрд теңге.

"Прокуратура борышкерлердің есептелмеген кіріс көздерін және оларды сақтау орындарын анықтаудың жаңа тәсілдері мен алгоритмдерін әзірледі: мобильді қолданба арқылы такси қызметі (Yandex, inDriver, DiDi, Uber), букмекер кеңселердегі ставкалар, электронды әмияндар. Мұндай кіріс және ақшалай қаражат туралы ақпаратты сот орындаушылары прокурордың рұқсатымен алады. Мысалы, Қарағандыда прокурорлар электронды әмиянға ақша жасырған 86 тұрақты төлемақыны бұзушыны анықтады", - деп хабарлады Бас прокуратура.

Енді прокуратура бұл қаражатты борышкерлерден өндіріп алуға мүмкіндік беретін заңнамаға өзгерту енгізуді ұсынып отыр. Бастама Әділет министрлігіне және парламент депутаттарына жолданды.

Ведомствоның мәліметінше, көбіне алимент төлеуі керек қызметкерлер ресми түрде жұмыс істемейтіндіктен және тұрақты табысы болмағандықтан міндетті төлемдерді жасамайды. Қазір 20 мың жұмыссыз борышкер тіркелген.

"Жүйелі және кешенді шаралардың қабылдануы проблемалық салалардың санын үштен біріне – 75 мыңнан 50 мыңға дейін қысқартуға мүмкіндік берді", - деп хабарлады ведомство.