9 млн теңге қарыз алған павлодарлықтан серіктесі сотта тағы 3 млн теңге төлеуді талап етті

Павлодар қалалық сотына кәсіпкер өзінен 9 000 000 теңге көлемінде қарыз алған, сондай-ақ мерзімінде өтелмеген ақшаның 3 000 000 теңгеден астам тұрақсыздық айыбын серіктесінен өндіріп алуды сұраған талап-арызбен жүгінді, деп хабарлайды Zakon.kz.

"Талап қоюшының талаптарында ЖШС-ның өкілі ретінде талап қоюшыдан 9 000 000 теңге көлемінде қарыз алғаны айтылады. Ақшалай қаражатты беру фактісі қолхатпен расталды", делінген сот хабарламасында.

Азаматтық істі қарау барысында тараптар судьяның қатысуымен өзара тиімді шарттарға келе отырып, медиативтік келісім жасасты.

"Медиативтік келісім бойынша жауапкер 2024 жылдың шілде айынан бастап желтоқсан айына дейін 5 500 000 теңге көлеміндегі қарызды бөліп төлеуге міндеттенді. АПК-нің 278-бабының талаптарына сәйкес талап қоюшыға мемлекеттік баж қайтарылды. Осылайша тараптар іскерлік қатынастарды сақтай отырып, дауды бейбітшілікпен аяқтады", делінген сот хабарламасында.

Сот ұйғарымы заңды күшіне енді, сонымен бірге талап қоюды қамтамасыз ету жөніндегі шаралардың күші жойылды.