48 миллион теңгені алдап алған: Семейде жалған блогер-бопсалаушы ұсталды
![](https://mail.kz/images/cbf39a8cec646d0f9e4f6f907aa16781-slider.jpg)
© Сурет: ҚР ІІМ
Пойыздардың 60 қызметкері семейлік "блогер"-бопсалаушыдан зардап шеккен деп танылды.
Көліктегі полиция департаментінің ұйымдасқан қылмысқа қарсы күрес басқармасының қызметкерлері жүргізген жедел-іздестіру іс-шараларының нәтижесінде бұрын алаяқтық жасағаны үшін бірнеше рет сотталған Семей тұрғыны ұсталды.
Ол бірнеше жыл бойы өзін "блогер" ретінде таныстырып, Семей арқылы ішкі және халықаралық бағыттар бойынша жүретін жолаушылар пойызының қызметкерлерін масқаралайтын бейнематериалдарды жариялаймын деп қорқытып, ақша бопсалап келген, – деп хабарлайды Polisia.kz.
Күдікті жолаушы сияқты пойызға отырып, өзінің жеке пайдасы үшін жолаушылар тасымалы саласындағы бұзушылықтарды телефонына түсіріп, ақша бопсалауға пайдаланған.
"Бұл қылмыс ұзақ уақыт бойы полиция қызметкерлерінің назарынан тыс қалды, себебі жәбірленушілер қорқып, құқық қорғау органдарына жүгінбеген. Ұйымдасқан қылмысқа қарсы күрес басқармасына "сигналдар" түсе бастағаннан кейін ғана күдіктінің заңсыз әрекеттеріне тосқауыл қойылды. Қаскөй ұсталып, сот санкциясымен қамауға алынды", – деді ҚР ІІМ ұйымдасқан қылмысқа қарсы күрес департаментінің өкілі Қуандық Алпыс.
Қазіргі уақытта қылмыстық іс бойынша жолаушылар пойыздарының 60-тан астам қызметкері жәбірленуші ретінде танылды. Алдын ала тергеу нәтижесі бойынша ұсталған адамның банк шоттарына 2021 жылдан бері 48 млн теңгеден астам қаражат түскені анықталды. Қылмыстық іс сотқа жіберілді.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:56, 7 қыркүйек 2024
Ертең Астанада Жансүгіров көшесіндегі жол учаскесі бір тәулікке уақытша жабылады
-
17:39, 7 қыркүйек 2024
Қырғызстанда «Киборг» лақап атымен танымал қылмыс әлемінің мүшесі ұсталды
-
17:18, 7 қыркүйек 2024
Паралимпиада-2024: Раушан Қойшыбаева төртінші орын алды
-
16:42, 7 қыркүйек 2024
Маңғыстау облысында бір топ оқушы астан жаппай уланды
-
16:23, 7 қыркүйек 2024
GRECO Қазақстандағы сыбайлас жемқорлыққа қатысты алғаш рет баяндама жариялады