947 миллион теңге жымқырған қазақстандық Дубайда ұсталды

2024 жылдың 31 желтоқсанында ІІМ берген ақпаратына сай, компанияның қомақты ақшасын иемденген қазақстандық Дубайда ұсталды, деп хабарлайды Zakon.kz.

Қазақстан ІІМ Интерпол Ұлттық орталық бюросының сұрауы бойынша Қылмыстық кодекстің 189-бабында көзделген қылмысты жасағаны үшін халықаралық іздеуге жарияланған ер адам ұсталды.

2022 жылы күдікті адамдар тобымен алматылық ЖШС-лердің бірінен өзіне қарасты компанияның шотына қаражат аудару арқылы 947 миллион теңге жымқырған.

Қазіргі уақытта ер адам қамауда. Оны экстрадициялау мәселесі шешіліп жатыр.