9 қыркүйектегі саудада доллар тағы да құлдырады

15:58, 9 қыркүйек 2024

© Сурет: Zakon.kz

Қазақстан қор биржасында (KASE) 2024 жылғы 9 қыркүйекте сағат 15:30-да шетел валюталары бойынша күнделікті сауда-саттық жабылды, деп хабарлайды Zakon.kz.

Сауда-саттықтың қорытындысы бойынша доллардың орташа сараланған бағамы тағы 1,51 теңгеге төмендеп, 478,89 теңгені құрады.

Қытай юанінің бағамы 67,37 теңгеге (-0,59) түсті.

Ақша айырбастау орындарында доллар 478,7-480,7 теңгеге, еуро 528,5-533 теңгеге, ресей рублі 5,19-5,31 теңгеге сатылуда.

Ал 9 қыркүйектегі аукционда әлемдік мұнай бағасы көтеріліп жатыр.

Осылайша, ICE Futures электронды саудасында қараша айындағы Brent фьючерстерінің құны 1,44%-ға өсіп, барреліне $72,08 құрады.

NYMEX электрондық саудасында қазан айындағы WTI мұнай фьючерстері 1,48%-ға қымбаттап, барреліне 68,67 долларды құрады.

9 қыркүйек күні таңертең Ұлттық банк доллар бағамын 480,55 теңге, еуроны 533,75 теңге, рубльді 5,36 теңге деп белгіледі.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!