Жыл басынан бері еуроны сату көлемі 222 млрд теңгеге жетті

Алматы. 23 қыркүйек. 7kun.kz – 2019 жылдың қаңтар-шілде айларында Қазақстанның айырбастау пункттерінің еуроны нетто-сату көлемі 222,3 млрд теңгені құрады — өткен жылдың сәйкес кезеңімен салыстырғанда 59%-ға артық. Мұндай мәліметтерді ranking.kz келтіреді.

Айта кетейік, 2018 жылға дейін айырбастау пункттерінің валюталық операциялары туралы мәліметтер теңгемен емес, тиісті валюталарда ұсынылған. Сонымен, 2017 жылғы қаңтар-шілдеде еуроның таза сатылымы 352,1 млн еуроны құрады, бұл 2016 жылмен салыстырғанда 2 есе көп.

Еуроның таза сатылымының өсуі Қазақстанның барлық аймақтарында байқалды. Көлемі бойынша Алматы қаласы көш бастап келеді: 109 млрд теңге, бір жыл ішінде өсім — 56,6%.

Екінші орында Нұр-Сұлтан: 29,9 млрд теңге, жылдық өсім — 25,6%. Көшбасшылардың үштігін Қарағанды облысы түйіндейді: 14,7 млрд теңге, бір жыл ішіндегі өсім — 70,1%.

Ресми мәліметтер бойынша, Ақмола облысы еуроға үлкен қызығушылық танытты, онда таза сату 12,4 есе артып, 3 млрд теңгеге жетті. Түркістан облысының тұрғындары еуроға онша қызығушылық танытпайды: таза сату көлемі 280,3 млн теңгені құрады.

Ағымдағы жылдың шілде айында еуроны таза сату көлемі 44 млрд теңгені құрады. Бұл 2018 жылдың басынан бергі ең жоғары көрсеткіш. Сонымен қатар, екінші ай қатарынан, көлемі 40 млрд теңгеден асады: мысалы, маусымда ол 41,2 млрд теңгеге жетті.

2019 жылдың шілдесіндегі еуроның орташа ресми айырбастау бағамы 430,81 теңгені құрады, бұл маусым айымен салыстырғанда 0,1% төмен, бірақ 2018 жылдың шілдесімен салыстырғанда 7,2% жоғары.

Источник: 7kun.kz