Amazon “ақылды” домофондар жасайтын стартапты сатып алады

Алматы. 1 наурыз. 7kun.kz — Джефф Безостың  компаниясы  домофондар өндіретін Ring компаниясын сатып алу жоспарын растады. Reuters-тің жазуынша, мәміле құны 1 млрд долларды құрайды.  Құрылғы Alexa көмегімен басқарылады, деп жазады hightech.fm.

Бүгінгі күні бұл мәміле Amazon-ның екінші сатып алуы. Ол 2017 жылы 13,7 млрд долларға Whole Foods сауда желісін сатып алған болатын.

Ring ірі интернет-дүкеніне өз клиенттерінің үйлеріне терең енуіне көмектеседі.

Ring – ең танымал «бұлтты» домофондардың бірі. Сондықтан бұл әлі стартап болса да, бұлтты технологияға негізделгендіктен, Amazon сияқты компаниялар оған назар аударып отыр.

Echo Show колонкасының иелері “Alexa маған кірер есікті көрсет” деп айтса, Ring домофоны айтқанды жасайды.

Amazon Ring-ті сатып алуының тағы бір себебі, жеткізу жүйесінің мүмкіндіктерін дамыту.

Сондай-ақ, Ring домофондары қазірдің өзінде Amazon курьерлерін үйге кіргізуге мүмкіндік берген.

Қания Табыс

Біздің Telegram-парақшамызда Қазақстанның маңызды жаңалықтары. Жазылыңыздар!

Источник: 7kun.kz

---

Подписывайтесь на наш Telegram-канал. Будьте в курсе всех событий!
Мы работаем для Вас!