300 мыңға жуық отбасы атаулы әлеуметтік көмек алады

Алматы. 24 маусым. 7kun.kz – Бүгінгі күні 277 мың отбасы жаңартылған атаулы әлеуметтік көмекке ие. Егер 1 млн 333 мың адамға көмек берілсе, оның 920 мыңға жуығы балалар. Бұл туралы ҚР Еңбек және халықты әлеуметтік қорғау министрі Бердібек Сапарбаев халықпен кездесуінде мәлімдеді.

Республикалық бюджеттен 67,7 млрд теңге бөлінді. Бір адамға АӘК орташа мөлшері 105 мың теңгені құрайды. Егер өткен жылмен салыстырсақ, бұл шамамен 2,5 есе көп.

Сонымен қатар, оның айтуынша, тиісті комиссиялар барлық аймақтарда көмекке шынайы мұқтаж жанұяларды анықтау үшін жұмыс істеп жатыр.

«Барлық жерде тиісті комиссиялар жұмыс істейді,олар барлық құжаттарды тексереді. Осы комиссияның жұмысы негізінде 18,5 мың отбасына құжаттарды дұрыс толтырмау үшін атаулы әлеуметтік көмек көрсетуден бас тартылды», — деп түсіндірді ол.

Сонымен қатар, оның айтуынша, ана мен баланы қолдау мақсатында бала тууға, 1 жасқа дейінгі баланы күтуге және жүктілігі мен босануы бойынша әлеуметтік төлемдерге 243 млрд теңге бөлінеді. Зейнетақылардың барабар мөлшерін қамтамасыз ету үшін декреттік демалыста жүрген әйелдерге зейнетақы жарналары субсидияланады. Ағымдағы жылы осы мақсаттарға 5,8 млрд теңге бөлінді. Қазақстанда алты және одан да көп баласы бар 237 мыңға жуық көп балалы ана бар, оларға жыл сайын 45 млрд теңге бөлінеді.

Источник: 7kun.kz