Түркия әуежайларында қауіпсіздік шаралары күшейтілді

Түркиядағы барлық әуежайлар террорлық шабуылдар қаупіне байланысты қауіпсіздік шараларын күшейтті, деп хабарлайды Zakon.kz.

Hürriyet газетінің жазуынша, енді әуежай аумағына кіретін және шығатын барлық көліктер мұқият тексеріліп, жолаушылардың жеке басы анықталатын болады.

Стамбулдағы Сабиха Гөкчен әуежайында жолаушыларға тексеріс уақытын ескере отырып, уақытты жоғалтпау үшін ұшудан кемінде үш сағат бұрын келуге кеңес берілді.

Мұндай сақтық шаралары 23 қазанда Анкарадағы TUSAŞ түрік аэроғарыштық компаниясының авиациялық зауытында лаңкестік шабуылдың орын алуына байланысты жүргізілуде.

Алдын ала мәліметтер бойынша, теракттан төрт адам қаза тапты, 14 адам жарақат алды. ІІМ министрі Әли Йерликая қаза тапқандардың отбасыларына көңіл айтып, шабуылды айыптап, терроризмге қарсы күресті жалғастыруға уәде берді.