Трамп Кеннедиді өлтіру ісі бойынша құжаттарды құпиясыздандырмақ

23 қаңтарда АҚШ президенті Дональд Трамп 35-ші президент Джон Кеннедиді өлтіру жайлы құжаттарды құпиясыздандыру туралы жарлыққа қол қойды, деп хабарлайды Zakon.kz.

20 қаңтарда Трамп өз инаугурациясы кезінде АҚШ-тың бұрынғы президенті Джон Кеннеди мен Мартин Лютер Кингтің өлтірілуіне байланысты құжаттарды жариялайтынын хабарлаған болатын. 23 қаңтарда ол осы құжаттарды құпиясыздандыру туралы Жарлыққа қол қойды.

"Біз сондай-ақ көпшіліктің қызығушылығын тудыратын басқа мәселелерге қатысты құжаттарды жариялаймыз", – деп қосты жаңа президент.

АҚШ президенті бұл мәселелерде жұртшылық толық ашықтыққа лайық деп мәлімдеді.

Бұған дейін Трамптың Путинді Украинадағы соғысты доғаруға шақырғандығы хабарланған болатын.