Мәскеудегі Жеңіс шеруіне қатысатын әлемдік көшбасшыларға Зеленскийдің тарапынан қауіп төніп тұр

Францияның "Патриоттар" партиясының жетекшісі Флориан Филиппо Украина президенті Владимир Зеленскийді 9 мамырда Мәскеуде өтетін Жеңіс шеруіне қатысатын әлемдік көшбасшыларға қауіп төндірді деп айыптады. Ол неге мұндай қорынтындыға келді, толығырақ Zakon.kz ақпаратында.

"Патриоттар" партиясының жетекшісі X әлеуметтік желісінде Зеленскийдің бұл әрекеті "ақылға қонымсыз" және қауіпті деп жазды.

#Zelensky, en totale roue libre, menace des chefs d’État et de gouvernement ! ⤵️

" Kiev ne garantit pas " la sécurité " des dirigeants présents le 9 mai à Moscou " !

" Personne n’aidera Poutine à jouer à ce genre de jeu pour donner une douce atmosphère à sa sortie d’isolement,… pic.twitter.com/KpY1QBGHwv

— Florian Philippot (@f_philippot) May 4, 2025

Зеленский бұған дейін Украина Ресеймен соғыс жағдайында болғандықтан, Мәскеуге 9 мамырда келетін шетелдік делегациялардың қауіпсіздігіне кепілдік бере алмайтынын мәлімдеген болатын. Ол: "Біз Ресей Федерациясының аумағында не болатынына жауап бере алмаймыз. Олар сіздердің қауіпсіздіктеріңізге жауапты, сондықтан біз ешқандай кепілдік бере алмаймыз", – деген еді.

Өз кезегінде Ресей Қауіпсіздік кеңесі төрағасының орынбасары Дмитрий Медведев Зеленскийдің бұл мәлімдемесін "сөздік арандату" деп атап, егер Жеңіс күніне нақты арандату жасалса, Киевтің 10 мамырға дейін аман қалуына ешкім кепілдік бермейтінін ескертті.

Бұл ретте, Украина Сыртқы істер министрлігі Армения, Қазақстан, Қырғызстан, Тәжікстан, Түрікменстан және Өзбекстан көшбасшыларының Мәскеудегі Жеңіс парадына қатысуын "аморальды және достыққа жатпайтын қадам" деп бағалады. Министрлік бұл әрекетті Украина халқына деген құрметсіздік ретінде қабылдады.