Дональд Трамптың инаугурациясы қашан өтетіні белгілі болды

АҚШ-тың президенттік сайлауында жеңіске жеткен Дональд Трамптың инаугурациясы 2025 жылдың 20 қаңтарына жоспарланып отыр, деп хабарлайды Zakon.kz.

АҚШ-тың келесі президентін ұлықтау рәсімі 2025 жылдың 20 қаңтары, дүйсенбіде Вашингтондағы Капитолий ғимараты алдында өтеді, деп жазады USA Today.

Инаугурацияға дейін және одан кейін басқа да мерекелік іс-шаралар өтеді, соның ішінде инаугурациялық шеру мен би кеші де болады.

Айта кетсек, Мемлекет басшысы Қасым-Жомарт Тоқаев Дональд Трампты АҚШ-тағы президенттік сайлаудағы жеңісімен құттықтап, жеделхат жолдаған болатын.