Британдық мұзбалақ әлемдегі 14 құзар шыңды бағындырған «ең жас әйел» атанды

23 жастағы британдық альпинист әлемдегі ең биік 14 шыңды бағындырған "ең жас әйел" атанды, деп хабарлайды Zakon.kz.

Sky News мәліметінше, 23 жастағы Адриана Браунли 9 қазанда Тибеттегі Шишапангманың ең биік нүктесін бағындырып, көз жасына ерік берген. Ол осылайша бала күнгі арманын орындаған.

Жас "тау қызы" небәрі 20 жасында Эверестті бағындырған. Бұдан кейінгі үш жыл бойы биіктігі 8 мың метрден асатын заңғарларды зерттеген.

Сурет: Aga Adventures

Осылайша, альпинист әлемдегі ең биік 14 шыңды, соның ішінде К2 бағындырған және Гашербрум I-ге қосымша оттегісіз көтерілген ең жас әйел болды.

Оларға Эверест (8849 м), К2 (8611 м), Даулагири (8167 м) және Нангапарбат (8126 м) жатады.

Бұған дейін Қытайда 5 мың жыл бұрын жерленген "билеушінің" қабірі табылғандығы хабарланды.