Қазақстандық хоккейшілер Универсиада-2025 матчында 0:10 есебімен жеңіліп қалды

Хоккейден Қазақстан әйелдер құрамасы 2025 жылы Туринде (Италия) өтіп жатқан Универсиаданың алғашқы матчында Жапония өкілдерімен кездесті, деп хабарлайды Zakon.kz.

В тобындағы алғашқы матчында ел құрамасы қарсыластырынан 0:10 есебімен жеңіліс тапты. Ойын барысында Жапония құрамасы 68 соққы жасады.

Сурет: Instagram/torino2025_fisugames

Осылайша, Қазақстандық құрама көш соңында қалып отыр. Алғашқы орында жапониялықтар. Енді еліміздің спортшылары 14 қаңтарда чехиялықтармен бақ сынаспақ.

Бұған дейін Қазақстан жасөспірімдері фристайлдан әлем біріншілігі кезінде тарихи нәтижеге қол жеткізгендігі хабарланған болатын.