#АуылФутбол: «Алтын доп» иегерінің есімі белгілі болды

25 қаңтарда Алматы төрінде #АуылФутбол жобасының басты шарасы – Aуыл Футбол AWARDS-2024 жеңімпаздары салтанатты түрде марапатталды, деп хабарлайды Zakon.kz.

Бұл жоба еліміздегі барлық ауылдық аймақтарындағы балалар арасында футболды дамыту және насихаттауға бағытталған.

"Бұл - қордың еліміздің түкпір-түкпіріндегі мұқтаж жандарды қолдауға және халықтың өмір сүру жағдайын жақсартуға бағытталған жобаларының бірі. Қор ауылдағы спортты дамытуға осыған дейін 500 миллионға жуық қаржы бөлді. Осының арқасында балалар футболы жаңа деңгейге көтеріліп, жастардың спортқа деген қызығушылығын арттыруға жол ашылды". Halyk қайырымдылық қоры Алматы филиалының директоры Ғалымбек Жақсылықов

Салтанатты шарада 15 номинация бойынша жеңімпаздар марапатталып, оларға арнайы дипломдар мен ақшалай сыйлықтар табыс етілді.

Сурет: Halyk қайырымдылық қорының PR-қызметі

 

Шара қонақтары арасында танымал футболшылар, кәсіпкерлер, қоғам қайраткерлері, саясаткерлер мен журналистер болды.

"Бала кезімнен футбол ойнағанды ​​жақсы көремін, менің кумирлерім – әлемдік футбол жұлдыздары. Мен олармен әрқашан мақтанатынмын, үлгі алатынмын! Ал бүгін мен өзім жеңімпаз атандым!", - деді #АуылФутбол Алтын добының иегері 2024 жылдың "Үздік футболшысы" атанған Данияр Ислам .

Сурет: Halyk қайырымдылық қорының PR-қызметі

 

#АуылФутбол жобасының 2024 жылғы жетістіктері

2024 жылы жоба жаңа деңгейге көтерілді:

• 16 облыстан 114 команда, оның ішінде 128 жаттықтырушы және 4000-нан астам мектеп жасындағы балалар.
• Қазақстан футбол федерациясының Ұлттық бағдарламасы бойынша 100 ауылдық жаттықтырушы оқудан өтіп, УЕФА D санатын алды.
• 1000-нан астам ойыншы футбол формасымен қамтамасыз етілген.
• "Футболды басқару" курсын 25 жаттықтырушы аяқтады.
• 14 облыстық турнир және қорытынды республикалық турнир өткізілді.