Депутат: Қырғызстан ресми делегациясының елімізге жасаған сапары нәтижелі болды

16:17, 24 қазан 2017
1620

Қазақстан мен Қырғызстан бірқатар маңызды уағдаластыққа қол жеткізді.

Қырғыз премьер-министрі бастаған ресми делегацияның елімізге жасаған сапары нәтижелі болды. Парламент Мәжілісінің депутаты Мәулен Әшімбаев осындай пікірде. Әсіресе Еуразиялық экономикалық одақ аясында келісімдердің орындалуы және мемлекеттік шекараны кесіп өтудің басым тәртібін қабылдауға қатысты ұсыныстар өзекті. Енді арнайы құрылған жұмыс тобы жол картасы әзірлеуі тиіс. Ал құжат бекітілгеннен кейін тиісті жұмыстар атқарылатын болады.

Мәулен Әшімбаев, ҚР Парламенті Мәжілісінің депутаты:

– Өздеріңіз білесіздер, премьер-министрлердің шешімімен арнайы жұмыс тобы құрылды. Осы жұмыс тобында премьер-министрлердің бірінші орынбасарлары төрағалық жасап, «Жол картасы» деп аталатын өздерінің ұсыныстарын дайындап шықты. Сол ұсыныстар осы күндері премьер-министрлердің қарауына енгізіледі. Егер олар мақұлдап жатса, ары қарай жүзеге асырылады.

Источник: khabar.kz


Пікір