Жылыой ауданында тұрғын үй мен ғимараттарды су басты

2024 жылдың 18 сәуіріне қараған түні Атырау облысы Жылыой ауданында тұрғын үйлер мен ғимараттарды су басты, деп хабарлайды Zakon.kz.

ҚР ТЖМ мәліметінше, Жылыой ауданында Жем өзенінің су деңгейі көтеріліп, нәтижесінде аудан аумағында су тасқыны орын алған.

"Қазіргі уақытта су басқан тұрғын үйлерден су айдау жұмыстары жүргізілуде."ҚР ТЖМ баспасөз қызметі

Сонымен қатар, ТЖМ мәліметінше су тасқыны басталғалы бері Жылыой ауданында:

• 731,300 текше метр су сорылды;
• 245 000 топырақ төселді;
• 397 000 тонна инертті материалдарды пайдаланды.

Айта кетейік, 17 сәуірде Жайық өзенінің су деңгейі едәуір көтерілді.