Жыл басынан бері Қазақстанда 22 халықаралық және 85 өңірлік есірткі каналдары анықталды

Қазақстан Республикасының Заңдылықты, құқықтық тәртіпті және қылмыскерлікке қарсы күресті қамтамасыз ету жөніндегі үйлестіру кеңесінде есірткі қылмысына қарсы іс-қимыл мәселелері бойынша шаралар әзірленді, деп хабарлайды Zakon.kz.

Іс-шараға Президент әкімшілігінің өкілдері, мемлекеттік органдардың басшылары және басқа да мүдделі адамдар қатысты.

Қадағалау органының басшысы Берік Асыловтың айтуынша, мемлекеттік аппарат нашақорлық пен есірткі бизнесіне қарсы күрес саласында, оның ішінде 2023-2025 жылдарға арналған Есірткіге қарсы күрестің кешенді жоспары аясында ауқымды жұмыстар атқарып жатыр.

Осы жылдың 7 айында анықталған 5 мыңнан астам есірткі қылмысының 1,5 мыңға жуығы оны сатумен байланысты болған.

Қылмыстық жауаптылыққа тартылған 3 мыңға жуық адамның 700-і есірткі сатқан.

Айналымнан тәркіленген 20 тоннадан астам есірткінің 840 килограммы – "синтетика".

22 халықаралық және 85 аймақтық есірткі арналарының жолы кесілген.