Жұмысты оңай әрі жылдам қайдан табуға болады

Қазақстандықтарға бүгін, 2024 жылғы 17 желтоқсанда жұмысты оңай әрі тез табуға көмектесетін платформа жайлы еске салынды, деп хабарлайды Zakon.kz.

"Еңбек ресурстарын дамыту орталығы" АҚ вице-президенті Шалқар Байқұлақов Қазақстанда жылдам жұмыс табу үшін Enbek.kz платформасы жұмыс істейтіндігін еске салды.

"Бұл азаматтарға қолайлы жұмыс орындарын тез табуға және жұмыс берушілерге қажетті мамандар табуға мүмкіндік беретін көптеген қызметтері бар цифрлық экожүйе",- деді ол.

Оның айтуынша, тіркелген ізденушілер түйіндемесін тез әрі оңай орналастыра алады. Сондай-ақ, оны жаңартып отыруға болады. Қолайлы бос жұмыс орындарын іздеумен бірге, өзін қызықтырған жұмыс орындарға түйіндемелерін жібере алады.

"Сонымен бірге, бапталған жасанды интелект моделі арқылы Enbek.kz сіздің дағдыларыңызды, біліміңізді, жұмыс тәжірбиеңізді ескере отырып, ең қолайлы жұмыс орындарын таңдайды. Жұмыс берушілер өз кезегінде бос жұмыс орындары туралы мәлімет орналастырып, жұмыс іздеушілердің өзекті түйіндемелерін көре алады. Үміткерлерді сұхбаттасуға шақыруға болады немесе тікелей платформада онлайн режимінде сұхбат өткізе алады". Шалқар Байқұлақов

Ол Enbek.kz-те жыл сайын 1 млн. астам жұмыс орны туралы ақпарат, 600 мың түйіндеме орналастырылатындығын айтты. Портал арқылы 400 мыңнан астам тұрақты және уақытша жұмыс орындарына орналасады.

"Enbek.kz азаматтарға жұмыспен қамту саласында басқа да цифрлық мүмкіндіктерді ұсынады. Мысалы, жұмыс іздеушілер ретінде тіркелу, жұмыссыз мәртебесін алу содан кейін жұмысынан айрылу мәселесі бойынша мақала алуға немесе мемлекет субсидиялайтын жұмыс орынадарына жұмысқа орналастыруға тез өтініш беруге болады. Enbek.kz арқылы өзіне жұмыс тапқан мыңдаған қолданушылардың арасына сізде қосылыңыз". Шалқар Байқұлақов

Бұған дейін омбудсманның қазақстандықтарға проблемалық шағын несиелермен көмектесетіндігі хабарланған болатын.