Мемлекет басшысы Бибігүл Төлегенованы 95 жасымен құттықтады
© Сурет: ҚР Мәдениет және ақпарат министрлігінің баспасөз қызметі
16 желтоқсанда аты аңызға айналған опера әншісі, актриса, педагог Бибігүл Төлегенова туған күнін атап өтті. Биыл халық әртісі, "Отан" орденінің иегері 95 жасқа толды. Бибігүл Ахметқызын осындай айтулы күнімен құттықтауға Алматы әкімі Ерболат Досаев келді, деп хабарлайды Zakon.kz.
Ол Президент Қасым-Жомарт Тоқаевтың құттықтау хатын оқыды. Президент құттықтау хатында ұлттық мәдениеттің дамуына зор үлес қосқан көрнекті өнер қайраткерінің еңбегін атап өтіп, оның өнері жас ұрпаққа шабыт беріп, ел мақтанышына айналғанын жеткізді.
"Ұзақ жылғы жемісті шығармашылық жолыңыз Сізді абырой биігіне көтерді. Еліміздің алтын қорына мол мұра қалдырдыңыз. Өнегелі де өнерлі шәкірттер тәрбиелеп шығардыңыз. Ерен еңбегіңіздің жоғары мемлекеттік наградалармен, мәртебелі атақтармен және айрықша сыйлықтармен аталып өтуі – зор мерей", делінген Мемлекет басшысының құттықтауында.
Өз кезегінде Бибігүл Ахметқызы жылы лебіздер үшін алғысын білдіріп, барша қазақстандықтарды Тәуелсіздік күнімен құттықтады.
Сурет: ҚР Мәдениет және ақпарат министрлігінің баспасөз қызметі
ҚР Мәдениет және ақпарат министрлігінің хабарлауынша, 21 желтоқсан күні сағат 15:00-де Республика Сарайында Бибігүл Төлегенованың 95 жасқа толуына арналған салтанатты концерт өтеді. Бағдарламада Бибігүл Ахметқызының шығармашылығы шабыт берген, өздері де жетекші жұлдызға айналған көрнекті әртістердің орындауындағы классикалық және қазақ музыкасының ұлы туындылары орындалады.
Айта кетейік, аты аңызға айналған әншінің мерейтойы аясында Қазақстан бойынша 150-ге жуық іс-шара өтті. Концерттер, көрмелер, музыкалық кештер, дөңгелек үстелдер мен конференциялар ұйымдастырылды.
Бұған дейін Алматыда ұшақтан түскен Бибігүл Төлегенованы курсанттар ерекше қарсы алғанын жазған болатынбыз.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:56, 16 желтоқсан 2024
«Тез қайтыңдар!». АҚШ-тағы ЖОО-лар демалысқа кеткен шетелдік студенттерді кері шақырып жатыр
-
22:41, 16 желтоқсан 2024
ҚХЛ: «Барыс» клубы алдағы үш ойынға қатысатын хоккейшілерінің тізімін жариялады
-
22:24, 16 желтоқсан 2024
«Арасында біздің «Қайрат» бар». Футзалдан «төрттік финалдың» өтетін орны белгілі болды
-
22:08, 16 желтоқсан 2024
Жамбыл облысында «Алматы-Ташкент-Термез» тас жолында көлік қозғалысына шектеулер енгізілді
-
21:56, 16 желтоқсан 2024
Әмір Омарханов жасөспірімдерге арналған АҚШ-тағы беделді турнирде чемпион атанды