Желіде СҚО әкімінің атынан жалған ақпарат тарауда

СҚО әкімдігі бүгін, 2025 жылғы 23 сәуірде облыс әкімі Ғауез Нұрмұхамбетовтың қатысумен желіде тарап жатқан ақпаратқа қатысты мәлімдеме жасады, деп хабарлайды Zakon.kz.

Таратылған ақпаратқа сүйенсек, соңғы кезде Солтүстік Қазақстан облысына қатысты ақпараттық шабуылдар жасалуда.

"Бүгін әлеуметтік желілерде газдандыруға қатысты жасанды интеллект көмегімен жасалған СҚО әкімінің баспасөз қызметінің жалған ақпараты мен өңір басшысының қатысуымен жалған видео таралуда",- деп жазды әкімдік.

Сурет: gov.kz

Сондай-ақ, әкімдік жалған ақпарат тарату фактісі бойынша құқық қорғау органдарына өтініш жолданғанын атап өтті.

"Азаматтарды ақпараттың шынайылығын тек ресми дереккөздер арқылы ғана тексеруге үндейміз". СҚО әкімдігі

Бұған дейін СҚО әкімінің жасанды интеллект көмегімен жасалған жалған сұхбаты тараған болатын.