Жаз қайта оралады: Қазақстанда күн +30°C-қа дейін жылынады

"Қазгидромет" РМК синоптиктері 2026 жылғы 15-17 қыркүйек аралығына арналған үш күндік ауа райы болжамын жариялады, деп хабарлайды Zakon.kz.

Солтүстік-батыс циклоны мен атмосфералық фронттардың әсерінен еліміздің солтүстігі мен шығысында, сондай-ақ оңтүстік-шығыстың таулы аудандарында құбылмалы ауа райы күтіледі. Жаңбыр жауып, кей жерлерде найзағай ойнайды және жел күшейеді.

16 қыркүйектен бастап батыс циклонының ықпалымен еліміздің батыс өңірлерінде жауын-шашын жауып, жел күшейеді. Ал 17 қыркүйекте жекелеген аудандарда қатты жаңбыр жауып, бұршақ түсуі мүмкін.

"Республиканың қалған аумағында антициклонның әсерінен негізінен жауын-шашынсыз ауа райы сақталып, ауа температурасы біртіндеп көтеріле бастайды", – деп хабарлады "Қазгидромет" РМК баспасөз қызметі.

Күндіз Қазақстанның солтүстігі мен орталығында ауа температурасы біртіндеп +20...+27°C-қа дейін көтеріледі.

Ал еліміздің батысында, шығысында және оңтүстік-шығысында ауа температурасы төмендейді:

• батыста +19...+30°C-қа дейін;
• шығыста +18...+25°C-қа дейін;
• оңтүстік-шығыста +22...+28°C-қа дейін.

Бүгінге, 14 қыркүйекке арналған ауа райы болжамымен осы сілтеме арқылы танысуға болады.