Ақмола облысында мопедпен қауіпті трюктер орындаған қос жас видеоға түсіп қалған

14:15, 13 қыркүйек 2026

MKZ: 1566580

© Сурет: pixabay

Ақмола облысында мопедпен қауіпті трюктар жасап, жол ережесін бұзған 17 жастағы жасөспірім мен 18 жастағы жігіт полиция назарына ілікті. Құқық бұзушылар бейнебақылау камераларына мониторинг жүргізу кезінде анықталды, деп хабарлайды Zakon.kz.

Оқыс оқиға 12 қыркүйекте, сағат 21:00 шамасында болған. Полиция мәліметінше, кәмелетке толмағандар өздерінің және басқа жол қозғалысына қатысушылардың қауіпсіздігіне қауіп төндірген.

Осы факт бойынша 18 жастағы жүргізушіге қатысты мемлекеттік тіркеу нөмірлік белгілерінсіз көлік құралын басқарғаны, жолаушыларды тасымалдау қағидаларын және жол жүрісі қағидаларының талаптарын бұзғаны үшін әкімшілік іс жүргізулер тіркелді.

17 жастағы жасөспірімге қатысты жол қозғалысы ережелерінің талаптарын бұзғаны үшін әкімшілік іс жүргізілді. Мопедтерге арналған құжаттар бар болды.

Жасөспірімдермен профилактикалық әңгіме жүргізілді. Анықталған бұзушылықтар бойынша заңнамаға сәйкес шаралар қабылданды.