Жаз бен күз тартысы: Қазақстанда найзағай ойнап, жаңбыр жауады, күн +32°C-қа дейін ысиды

Синоптиктер Қазақстан бойынша 2026 жылғы 22, 23 және 24 қыркүйекке арналған ауа райы болжамын жариялады. Болжамға сәйкес, жаз әзірге райынан қайтпайды: еліміздің кей өңірлерінде ауа температурасы +32°C-қа дейін көтеріледі. Сонымен қатар найзағай ойнап, жаңбыр жауады.

"Қазгидромет" РМК баспасөз қызметінің болжамында:

Күндіз ауа температурасы:

• батыста +25…+32°C;
• солтүстік-батыста +20…+31°C;
• солтүстікте және орталық өңірлерде +18…+27°C;
• шығыста +13…+23°C болады.

"Оңтүстік пен оңтүстік-шығыста ауа температурасы +25…+32°C-қа дейін көтеріледі", – деп хабарлады "Қазгидромет" РМК баспасөз қызметі.

Сондай-ақ республика бойынша жел күшейеді. Түнде және таңертең кей жерлерде тұман түседі.

Бұған дейін "Қазгидромет" 2026 жылғы 21 қыркүйекке дауылды ескерту жариялаған еді. Синоптиктер Астана, Алматы және Қазақстанның 15 облысында қауіпті ауа райы құбылыстары болатынын ескертті.