Жаңаөзенде шетелге грант ұтып алған оқушыны қатарластары көрсеқызарлықпен әбден соққыға жыққан

Жаңаөзенде "Білім-инновация" лицейінің 11-сынып оқушысын қатарластары соққыға жықты. Оған себеп – бозбаланың шетелдік жоғары оқу орнына грант жеңіп алуы. Бұл жетістігі кейбір сыныптастарының көреалмаушылығын тудырған, деп хабарлайды Zakon.kz.

Lada.kz басылымының ақпаратына сүйенсек, оқиға 16 сәуірде кешқұрым зардап шеккен оқушының үйінің жанында болған. Белгілі болғандай, шабуылды лицей президенті бастаған бір топ жасөспірім жасаған.

Қазіргі таңда әкесі мен баласы Жаңаөзен қалалық көпбейінді ауруханасында ем қабылдап жатыр. Дәрігерлердің айтуынша, оқушы жабық бас-ми жарақатын, ми шайқалуын, беті мен маңдайы көгеріп, тізесі жарақаттанған. Ал әкесінің аяғы сүйегі сынған.

Басылымның жазуынша, ең сорақысы – лицей әкімшілігі бұл жағдайды жасыруға тырысуда. Тіпті жәбірленушіге оқиғаны жария етпеу үшін ақша ұсынылған.

Бұған дейін Теміртауда жедел жәрдем фельдшері әріптесін сабап ауруханаға түсіргендігі хабарланған болатын.