Жаңа Конституция күні Қазақстанда мереке күні болып бекітілмек

14:11, 19 наурыз 2026

© Фото: akorda.kz

Қазақстанның еңбек және халықты әлеуметтік қорғау вице-министрі Виктория Шегай 2026 жылғы 19 наурызда Сенаттағы брифингте жаңа Конституция бойынша референдум өткізілген күн мемлекеттік мереке болып жарияланып, демалыс күні болатынын хабарлады, деп жазады Zakon.kz тілшісі.

Вице-министрдің сөзінше, референдумда қабылданған жаңа Конституция 2026 жылғы 1 шілдеден күшіне енеді.

"Конституция мәтінінде референдум өткізілген күн мемлекеттік мереке болып жарияланатыны, яғни күнтізбеде "қызыл күн" болатыны көрсетілген", – деді Виктория Шегай.

Еске салсақ, бұған дейін хабарланғандай, барлық қазақстандық студенттер жаңа Конституцияның нормаларын оқитын болады.

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!