Жамбыл облысында оқушы дәретханадан өлі табылды: мектеп директорына қатысты қылмыстық іс қозғалды
![](https://mail.kz/images/144af5a131e69265801b788dd3cf0fef-slider.jpg)
© Сурет: видео скрині
Жамбыл облысында оқушы өлімінен кейін мектеп директорына қатысты қылмыстық іс қозғалды. Білім ордасының басшылығы қылмысты жасыруға тырысты деген күдікке ілігіп отыр, деп хабарлайды Zakon.kz.
8-сыныптың оқушысы мектеп дәретханасынан өлі табылған. Сараптама қорытындысы оқушының жүрек тұсынан қатты соққы алып жан тапсырғанын анықтаған. Алайда қылмыс болған күні мектеп директоры "Оқушының жүрек талмасы ұстап қалды" деп жалған мәлімет берген. Бұл туралы КТК телеарнасы хабарлады.
14 жасында мерт болған баланың ата-анасы бұған дейін мектептегі әлімжеттік туралы айтып, мектеп ұжымына бірнеше рет шағымданған. Енді балаларға қатысты қауіптің алдын алмаған мектеп басшысы 6 жылға дейін бас бостандығынан айырылуы мүмкін.
"Өкінішке қарай, мектеп басшылығының тарапынан дер кезінде шара қабылдамауынан жеткіншек мерт болды. Директорға қатысты ҚР Қылмыстық кодексінің 432-бабымен, "Қылмысты жасырып қалу" фактісімен қылмыстық іс қозғалды. Тергеу жүріп жатыр", - дейді Жамбыл облысы прокурорының кәмелетке толмағандар істері жөніндегі аға көмекшісі Шавхат Таштеміров.
Еске салайық, оқиға 30 сәуір күні Ыбырай Алтынсарин атындағы мектептің дәретханасында болған. 9-сыныптың оқушысы өзінен бір сынып төмен оқитын жеткіншектің кеуде тұсынан ұрған. Қазір 15 жастағы күдікті қамауда отыр.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
17:42, 23 маусым 2024
Астанада көпқабатты тұрғын үй жертөлесінде орналасқан дәмхана өртенді
-
17:34, 23 маусым 2024
«Бұршақ түсіп, қатты жел тұрады». Еліміз бойынша 24 маусымға арналған ауа райы болжамы
-
17:21, 23 маусым 2024
Қазақстандық жас ғалым ойлап тапқан құрылғыға қызығушылық танытқан шетелдік компания грант бөлді
-
17:10, 23 маусым 2024
ҚР Ішкі істер министрлігінде Полиция күні атап өтілді
-
16:47, 23 маусым 2024
Иманғали Тасмағамбетов Алматыда ҰҚШҰ-ның көшпелі кеңесін өткізді