«Ұшақта жүрегі ұстап қалған». Жапония елшісі Көліктегі ПД қызметкерлеріне алғыс айтты

Жапонияның Қазақстан Республикасындағы Төтенше және Өкілетті елшісі Көліктегі полиция департаментінің қызметкерлеріне уақтылы көрсеткен көмегі үшін алғысын білдірді, деп хабарлайды Zakon.kz.

Бұл туралы ҚР ІІМ баспасөз қызметі хабарлады.

Айта кетсек,2024 жылдың 17 тамызында "Токио – Цюрих" бағытындағы әуе рейсінің жолаушыларының бірі ұшу кезінде өзін нашар сезінген болатын. Жапония азаматы инсульт алып, ұшақ Астана қаласының әуежайына шұғыл қонды.

"Елорда әуежайындағы желілік полиция бөлімінің қызметкерлері жолаушыға дереу алғашқы медициналық көмек көрсетіп, болған жайтты Жапония елшілігіне жедел хабарлады. Осыдан кейін ол Астана қаласындағы №2 көпсалалы ауруханаға шұғыл жатқызылды. Денсаулық жағдайы тұрақталғаннан кейін ол Отанына аман-есен оралды", делінген ҚР ІІМ хабарламасында.