Үндістанда Азиядағы ең ірі әуежайлардың бірі салынуда

Үндістан әлемдегі ең жылдам дамып келе жатқан авиация нарықтарының бірі болып саналады. Соңғы 10 жылда елдегі әуежайлар саны екі есе артқан, деп хабарлайды Zakon.kz.

Naked Science басылымының жазуынша, соған қарамастан Мумбай қаласында (Үндістанның қаржы орталығы) ұзақ уақыт бойы тек бір ғана ірі әуежай болған. Авиацияның қарқынды өсуіне байланысты билік екінші үлкен әуежай салу туралы шешім қабылдаған. Алайда бұл жобаны іске асыру күтілгеннен әлдеқайда қиын болған.

Жаңа әуежайға қолайлы жерді табуға 10 жыл, ал жерді сатып алуға тағы 3 жыл кеткеннен кейін, жоба Нави-Мумбай аумағында жүзеге асырылатын болды. Бұл орын тарихи орталықтан шамамен 40 шақырым қашықта орналасқан.