Үйден шығып кетіп, оралмаған: Екібастұзда 64 жастағы ер адам бір айдан бері іздестіріліп жатыр

Екібастұз тұрғыны күйеуінің жоғалғаны туралы арызды 21 сәуір күні берген. Оның айтуынша, Шахриддин Баймұрадов 18 сәуірде үйден шығып кеткен, содан бері оның қайда екені белгісіз, деп хабарлайды Zakon.kz.

Жоғалған азаматтың белгілері:

• Жасы – шамамен 64;
• Бойы – 165-170 см;
• Шашы – ақ-қара, сұр;
• Көзі – қоңыр;
• Үстінде – көк күрте, қара шалбар, қара кроссовка.

Полицияның мәліметінше, арыз түскен сәттен бастап белсенді іздеу жұмыстары басталған. Іздеуге барлық полиция бөлімшесі жұмылдырылған, бағдарлар таратылып, қосымша күштер іске қосылған.

"Жедел-іздестіру шаралары жүргізіліп жатыр: туыстар, әріптестер, таныстар сұралуда, куәгерлер анықталып, бейнебақылау камераларының жазбалары қаралып жатыр. Қаланың шет аймақтары, қаңырап бос қалған ғимараттар, саяжай аумақтары, су айдындары тексеріліп жатыр", - делінген полиция хабарламасында.

Іздеу жұмыстарына қалалық полиция басқармасы, ТЖД қызметкерлері, еріктілер мен қала тұрғындары қатысуда. Иттер мен арнайы техника да қолданылып жатыр.

Полиция барлық тұрғындарды Шахриддин Баймұрадовтың орналасқан жері туралы қандай да бір ақпараты бар адамдарды 102 нөміріне немесе келесі нөмірлерге хабарласуға шақырады:

• 8 (7187) 75-06-06
• 8 778 669 66 99
• 8 776 269 41 28