ҰБТ-дан кейінгі эмоциялар: талапкерлер өз әсерін бөлісіп жатыр

Ұлттық бірыңғай тестілеуді тапсыру маусымы көптеген жарқын эмоция мен ұмытылмас сәт сыйлайды. Оны тестілеуді тапсырған талапкерлердің шынайы әсерінен байқауға болады. Ғылым және жоғары білім министрлігі сынақ тапсырған түлектердің видеосын бөлісті, деп хабарлайды Zakon.kz.

Талапкерлердің айтуынша, өз мақсатына табандылықпен ұмтылып, жүйелі жұмыс істегендер еңбегінің жемісін көріп жатыр.

Еске салайық, ҰБТ 5 шілдеге дейін, ал төтенше жағдай режимі жарияланған алты өңір үшін (Ақмола, Ақтөбе, Атырау, Батыс Қазақстан, Қостанай, Солтүстік Қазақстан облыстары) 12 шілдеге дейін жалғасады.

"ҰБТ-ны сәтті тапсырғандардың барлығын құттықтаймыз және тестілеуді әлі алда тапсыратындарға сәттілік тілейміз!" Ғылым және жоғары білім министрлігі