ТЖМ құтқарушылары шетелдік жүргізушінің көлігін балшықтан шығарды

Бүгін, 5 сәуірде 112 пультіне Қостанай облысы Федоров ауданы Костычевка ауылының маңында жүк көлігі балшықта батып қалғаны туралы хабарлама келіп түсті, деп хабарлайды Zakon.kz.

Жүргізуші Ресей Федерациясына жол тартқан Өзбекстан Республикасының азаматы еді.

"Құтқарушылар өтімділігі жоғары техникамен жедел көмекке шықты. Шынжыр табанды тасымалдаушы тракторды пайдаланып, олар ауыр салмақты көлікті жолдың тазартылған бөлігіне сүйреп шығарды. Бұл жүргізушіге жолды жалғастыруға мүмкіндік берді", - делінген хабарламада.

Ер адамға медициналық көмек қажет болмады. Ол құтқарушыларға қиын жағдайда жедел қолдау көрсеткендері үшін шын жүректен алғысын білдірді.