Түркістан облысында үйінде есірткі өндіретін фитозертхана ұйымдастырған күдікті ұсталды

Түркістан облысы полиция департаментінің есірткі қылмысына қарсы іс-қимыл басқармасының қызметкерлері құрамында есірткі заты бар өсімдіктерді өсіру дерегі бойынша фитозертхананы анықтады, деп хабарлайды Zakon.kz.

Жедел-іздестіру іс-шараларының нәтижесінде полиция құрамында есірткі заттары бар тыйым салынған өсімдіктерді заңсыз өсірумен айналысқан Келес ауданының тұрғынын ұстады.

Жедел уәкілдер оның тұрғылықты мекенжайын тінту кезінде жатын бөлмесінде фитолампамен және алты гүл құмырасымен жабдықталған фитозертхананы тапты. Күдіктіден 4 түп құрамында есірткі бар өсімдіктер мен қарасора тәрізді тұқымдары бар сіріңке қорабы тәркіленді.

Қазіргі уақытта осы факт бойынша сотқа дейінгі тергеу амалдары жүргізіліп жатыр.