Тоқаев табиғат апатымен күресіп жүрген барлық азаматқа алғысын білдірді
© Сурет: akorda.kz
Мемлекет басшысы 16 сәуірдегі Солтүстік Қазақстан облысына жасаған жұмыс сапары аясында су тасқынынан зардап шеккен тұрғындарға көмектесіп жатқан құтқарушылармен, еріктілермен және кәсіпкерлермен кездесті, деп хабарлайды Zakon.kz.
Қасым-Жомарт Тоқаев төтенше жағдай кезінде өңір тұрғындарының жоғары деңгейде ұйымшылдық танытқанын атап өтіп, табиғат апатымен күресіп жүрген барлық азаматқа алғыс айтты.
Солтүстік Қазақстан облысы бойынша Қазақстан халқы Ассамблеясы төрағасының қоғамдық орынбасары Елена Семидоцких Президентке облыстағы әр ауданда гуманитарлық көмек қабылдайтын пункттер ашылғаны жөнінде мәлімет берді.
Сурет: akorda.kz
"Birgemiz" волонтерлер фронт-офисінің жетекшісі Анастасия Волкова еріктілердің жедел әрекет ету штабы құрылғаны туралы айтты. Штаб 2500-ден астам волонтерді үйретеді және олардың жұмысын үйлестіреді.
Сурет: akorda.kz
"Севказэнерго" акционерлік қоғамының бас директоры Анатолий Казановский аталған кәсіпорынның акционерлері 100 миллион теңге бөлгенін, трансформаторлар орнату және электр желілерін тарту жұмыстарын жүргізгенін айтты.
"Қызылжар жолдары" ЖШС директоры Асхат Жолдаспаев компанияның су тасқынына қарсы шараларға белсенді атсалысып жатқанын жеткізді. Осы ретте аталған мекеме бөгеттер салу және нығайту үшін арнаулы техникалар мен қажетті құрал-жабдықтар бөліп отыр.
Сурет: akorda.kz
Айта кетейік, мемлекет басшысы іссапар барысында бұған дейін Петропавл су қоймасы жұмысымен танысып қайтты.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
22:58, 30 сәуір 2024
1 мамырда Қазақстанның бірнеше өңірінде үсік болып, қар жауады
-
22:15, 30 сәуір 2024
Қазақстандағы су тасқыны: АҚШ азаматы да тұрғындарға көмектесіп жүр
-
21:35, 30 сәуір 2024
Кентаулық оқушы қыз смартфон алу үшін жинаған ақшасын Құлсарыға көмек ретінде берді
-
21:04, 30 сәуір 2024
Депутат республикалық су комиссиясын құруды ұсынды
-
20:26, 30 сәуір 2024
Жыл басынан бері терроризм мен экстремизмге қатысы бар 25 адам сотталды