Тоқаев: Қазан айында ЕАЭО-дағы инфляция деңгейі 11,5 пайыз болды

16:05, 9 желтоқсан 2022

© Сурет: primeminister.kz

Президент Қасым-Жомарт Тоқаев Жоғары Еуразиялық экономикалық кеңес отырысында қазан айында Одақ көлемінде инфляция 11,5% болғанын мәлімдеді, деп хабарлайды Zakon.kz.

Қасым-Жомарт Тоқаевтың сөзінше, халықаралық ұйымдардың болжамдары көңіл көншітпейді.

"Халықаралық валюта қоры 2023 жылы әлемдік экономиканың өсіміне қатысты болжамды 2,7 пайызға, Дүниежүзілік сауда ұйымы 1 пайызға дейін төмендетті. Осыған орай Еуразиялық экономикалық комиссияның дерегі бойынша, ЕАЭО-ға мүше елдердегі тұтыну бағасы өсіп келеді". ҚР президенті Қасым-Жомарт Тоқаев

Ол қазан айында Одақтағы инфляция деңгейі 11,5 пайыз болғанын атап өтті. Оның негізгі өсімі азық-түлік және азық-түлік емес тауарларға тиесілі. Мұның бәрі азаматтарымыздың сатып алу қабілеті мен әлеуметтік әл-ауқатына айтарлықтай әсер етеді.

Оқи отырыңыз

Президент ЕАЭО бойынша тауарлардың қозғалысын шектеу туралы айтты

Тоқаев: ЕАЭО-мен ынтымақтастығымыз жаһандық үрдістерден ерекшеленетіні сенім ұялатады

Бішкекте Жоғары Еуразиялық экономикалық кеңестің отырысы басталды

Источник: zakon.kz

Подписывайтесь на наш Telegram-канал. Будьте в курсе всех событий!
Мы работаем для Вас!