Таразда ҰҚК офицеріне пара берген адам ұсталды
Тараз қаласында ҚР ҰҚК Шекара қызметінің офицеріне пара берген адам ұсталды, деп хабарлайды Zakon.kz ҚР ҰҚК ШҚ баспасөз қызметіне сілтеме жасап.
Тараз қаласында ҚР ҰҚК Шекара қызметінің Мемлекеттік қызмет және сыбайлас жемқорлықпен күрес агенттігі қызметкерлерімен бірлесе өткізген шараларының нәтижесінде ҚР Ұлттық қауіпсіздік комитеті Шекара қызметіне қарасты көлік тексеріп-өткізу пункттерінің бірінің бастығына 390 000 теңге пара берген 38 жастағы қазақстандық ұсталды.
Ол Шекара қызметінің офицеріне параны Қазақстаннан Қырғыз Республикасына қарай жанар-жағармай өнімдерін ешқандай кедергісіз өткізу үшін бермек болған екен. Процессуалдық шаралар жүргізілуде.
"Шекара қызметі Мемлекеттік шекарадан жанар-жағармай өнімдерін ірі көлемде ғана емес, шағын көлемде де заңсыз өткізуге күн сайын тосқауыл қойып келеді. Өткен демалыс күндерінде ғана ҚР ҰҚК Шекара қызметінің "Оңтүстік" өңірлік басқармасына қарасты Мырзакент, Қордай шекара отрядтарының "Жетісай-авто", "Қарасу-авто", "Ауқатты", "Сортөбе" өткізу бекеттерінде 800 литрдент астам дизель отынын, 60 литрге жуық "АИ-92" бензинін әртүрлі жолмен заңсыз алып өтпек болған 1 Өзбекстандық 3 Қырғыз Респубикасының және 1 Қазақстан Республикасының азаматтары ұсталды", - делінген хабарламада.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
18:21, 26 сәуір 2024
Тимофей Скатов «Челленджер» турнирінің жартылай финалында ойнайды
-
18:08, 26 сәуір 2024
Полиция екі күнде 300-ге жуық қылмыскерді ұстады – ІІМ
-
17:40, 26 сәуір 2024
Алматыда ауыл шаруашылығы мақсатындағы жерді мақсатсыз пайдалану деректері тексеріледі
-
17:27, 26 сәуір 2024
Шиелі ауданындағы ірі компаниялар да «Таза Қазақстан» акциясына үлес қосты
-
17:23, 26 сәуір 2024
Жеңіл атлетикадан Азия чемпионаты: қазақстандықтар тағы үш медаль жеңіп алды