Таразда студенттерге қызмет көрсететін психологиялық орталық ашылды
16:41, 11 сәуір 2017
Тараз мемлекеттік педагогикалық институтында «Relax» психологиялық қызмет көрсету орталығы ашылды. Мұнда ұстаздар мен студенттер үшін психологиялық диагностика, кеңес беру, психологиялық түзету мен дамыту және ағарту жұмыстары жүргізілмек. Бұл туралы zakon.kz ТарМПИ-дың Ақпараттық-имидждік қызметі берген ақпаратқа сілтеме беріп хабарлайды.
– Кабинетті ашудағы мақсатымыз – тұлғаның шығармашылық мүмкіндігі мен қабілетінің дамуына, психикалық тұрғыдағы саулығына қолдау көрсету. Сонымен қатар, азаматтардың психологиялық ерекшеліктерін терең зерттей отырып, тұлғалық өсуіне ықпал ету, студенттердің психологиялық дайындықтарының сапасын жоғарылату, оқу үрдісін практикамен ұштастыру және ғылыми-зерттеу жұмыстарын іске асыру. Өкінішке орай, бүгінде жастар арасында орын алып жатқан суицид сияқты келеңсіз жайттар артып отыр. Осы тақілеттес оқиғаларды болдырмау үшін ата-аналар, ұстаздар, психологтар мен жастар бірлесе жұмыс атқаруы тиіс. Ең алдымен алдын алу жұмыстары жүйелі жасалуы қажет. Институттағы білікті педагог-психологтар орталықта жастардың тұлға ретінде жетілуі және олардың бойындағы қарым-қабілеттің артуы бағытында жұмыс атқармақ, – дейді Психология және акмеология кафедрасының меңгерушісі Клара Сматова.
Кабинет оңтайлы психологиялық климатты қалыптастыруға бағытталған аудио жазбалар мен түрлі ақпараттық көрнекі құралдармен жабдықталып, жүргізілетін жұмыс талаптарына сәйкес бірнеше аймақтарға бөлінген. Әр аймақта өз қызметіне байланысты кеңес беруге арналған орындықтар, релаксациялық жаттығуларға арналған арнайы жұмсақ кресло, құм, түйме арт-терапиясы құрылғылары, сенсорлық жолақшалар, кинетикалық құм және психодрама ойыншықтарымен қамтамасыз етілген.
Кабинетте институттың оқытушылары мен студенттері үшін «Отбасылық қарым-қатынас психологиясы», «Стресс: шығу жолдары», «Ерлер мен әйелдердің психологиясы», «Кәсіби қарым-қатынас», «Студенттердің оқуға деген мотивациясы», «Стресстің алдын алу» және тағы басқа психологиялық тақырыптарда дәрістер, тренингтер мен семинарлар өткізіледі.
Источник: zakon.kz
Подписывайтесь на наш Telegram-канал. Будьте в курсе всех событий!
Мы работаем для Вас!
Тағы да оқыңыздар:
-
19:12, 26 сәуір 2024
«Айбын» орденіне Нұрмағамбетовтің, Момышұлының және Қошқарбаевтың есімдері берілді
-
18:43, 26 сәуір 2024
Қызылорда облысында «Жасыл аймақ» апталығы аясында жалпыоблыстық сенбілік өтті
-
18:30, 26 сәуір 2024
Алматыда көші-қонды бақылау күшейді
-
18:21, 26 сәуір 2024
Тимофей Скатов «Челленджер» турнирінің жартылай финалында ойнайды
-
18:08, 26 сәуір 2024
Полиция екі күнде 300-ге жуық қылмыскерді ұстады – ІІМ