Таразда Орталық аудандық аурухана 22 миллион теңгеге дәрі-дәрмек жеткізген жеткізушіге ақы төлемеген

Жамбыл облысының орталық аудандық ауруханасы дәрі-дәрмек жеткізген компанияға 22 миллион теңгеден астам қарыз. Жауапкердің айтуынша, бұл – бюджет қаржыландыруындағы мәселелермен байланысты, деп хабарлайды Zakon.kz.

Тараптар арасында бірнеше шарттар жасалған, соған сәйкес талап қоюшы жауапкерге жалпы сомасы 22 млн теңгеден астам дәрі-дәрмек пен басқа да медициналық мақсаттағы құралдарды жеткізген.

"Жауапкер шарт бойынша өз міндеттемелерін орындамады, яғни алынған тауарлар үшін төлем орындалмаған, осыған байланысты талап қоюшы сотқа 22 млн теңгеден астам берешек сомасын, сондай-ақ 1 млн теңгеден астам мөлшердегі тұрақсыздық айыбын өндіріп алу туралы талап қоюмен сотқа жүгінді", - делінген сот таратқан хабарламада.

Өз пікірінде жауапкер қарызды мойындап, бюджеттік қаржыландыру проблемалары, кредиторлық берешектің болуы туралы айтты.

"АК-нің 469-бабының 1-тармағына сәйкес сатып алушы жеткізілетін тауарларға шартта көзделген есеп айырысу тәртібі мен нысанын сақтай отырып ақы төлейді. Сот тұрақсыздық айыбы сомасын 500 мың теңгеге дейін төмендетіп, ЖШС-нің талап қоюын ішінара қанағаттандырды". Жамбыл облысының МАЭС баспасөз қызметі

Жауапкер 22 млн теңгеден астам мөлшердегі берешек сомасын, 500 мың теңге мөлшеріндегі тұрақсыздық айыбын және сот шығындарын төлеуге міндетті.

Шешім заңды күшіне енген жоқ.