Су тасқыны кезінде зардап шеккен Ақтөбе тұрғыны өтемақы алды

Қарғын судан зардап шеккен Ақтөбе қаласының Алматы ауданының тұрғыны Айдана Орынбасарова бүлінген мүлік пен үйді жөндеу үшін өтемақы алды, деп хабарлайды Zakon.kz.

Ақтөбе облысы әкімдігінің баспасөз қызметінің мәліметінше, өтемақы алған әйел бүгінде жөндеу жұмыстарын ойдағыдай аяқтаған.

"Мен алғашқылардың бірі болып өтемақы алдым, сондықтан бірден жөндеу жұмыстарына кірісіп кеттім. Көз қорқақ, қол батыр. Бастысы өз үйімізге оралғанымызға қуаныштымыз".Айдана Орынбасарова

Айдана 22 мамырда облыстық қоғамдық штаб мүшелерімен кездесіп, жөндеу жұмыстары кезіндегі мән-жайымен бөлісті. Мемлекеттік қызметкерлер өз кезегінде оны баспанасына оралуымен құттықтады.

20 мамырда Бектенов әкімдерге қалпына келтіру жұмыстарының қарқынын тездету жөнінде тапсырма берген болатын.