Су айдындарындағы қауіпсіздік ережелерінде не өзгерді

Төтенше жағдайлар министрінің м. а. 2024 жылғы 25 желтоқсандағы су айдындарындағы қауіпсіздік ережелеріне түзетулер енгізді, деп хабарлайды Zakon.kz.

Ережелерде кейбір ұғымдар нақтыланған:

• Қағидалардың талаптарын сақтауға жауаптылар — су айдындарының, су объектілеріндегі жаппай демалыс, туризм және спорт орындарының иелері (жалға алушылар, өтеусіз пайдаланушылар), нұсқаушылар және (немесе) жаттықтырушылар, жергілікті атқарушы органдар, сондай-ақ су айдындарын пайдаланатын және (немесе) оларда демалып жатқан жеке және заңды тұлғалар;
• сақтандыру ұшы — құтқару дөңгелегімен немесе құтқару кеудешесімен бірлесіп пайдаланылатын, белбеуге немесе иыққа тағылатын нұсқаушының өзін сақтандыруға арналған ілмегі бар катушкадағы ұзындығы кемінде 200 метр қалқымалы балға;
• су айдындары — өзендер және соларға теңестiрiлген каналдар, көлдер, су қоймалары, тоғандар және басқа iшкi су айдындары, аумақтық сулар.

Сондай-ақ, "шомылу" ұғымы енгізілді — жуыну, денсаулықты нығайту немесе демалу мақсатында суға түсу, жүзу және су айдындарында болу.

Түзетулермен шомылуға бөлінген су айдыны акваториясы учаскесінің түбін 2 метрге дейінгі тереңдікте зерттеп-қарауды және тазалауды, сондай – ақ жағажайдың осы Қағидалардың 9-тармағының талаптарына сәйкестігін көзбен шолып қарауды азаматтық қорғау саласындағы уәкілетті органның аумақтық бөлімшелері немесе қарамағындағы мемлекеттік мекемелері немесе жергілікті атқарушы органдар мен уәкілетті органның аумақтық бөлімшелері өкілдерінің қатысуымен су астында жұмыс жүргізу үшін сүңгуірлік жабдықтары мен құрал-жабдықтары бар ұйымдар жүргізетіндігі қамтылды.

Су объектілері мен су шаруашылығы құрылыстарындағы бұқаралық демалыс, туризм және спорт орындарында:

• шомылу маусымы басталар алдында 2 метрге дейінгі тереңдікте шомылуға бөлінген су айдыны акваториясы учаскесінің түбін тексеру және тазалау жүргізіледі, оның қорытындысы бойынша осы Қағидаларға 3-қосымшаға сәйкес нысан бойынша жағажайды зерттеу актісі уәкілетті органның аумақтық бөлімшелерімен беріледі (жағажайды зерттеу актісі барлық қолдар болған жағдайда жарамды болып табылады)
• күзет бекеттері құрылады (су объектілері мен су шаруашылығы құрылыстарында жаппай демалу, туризм және спорт орнын ұйымдастырушының бастамасы бойынша)
• киім ауыстыруға арналған кабиналар (50 адамға 1), дәретханалар (50 адамға 1, шомылу орнынан кемінде 50 метр және 150 метрден аспайтын қашықтықта), шезлондар, тенттер мен шатырлар (су объектілері мен су шаруашылығы құрылыстарында жаппай демалу, туризм және спорт орнын ұйымдастырушының бастамасы бойынша)
• қызмет көрсетудің барлық аймағын қамтитын дауыс зорайтқыш құрылғылар, телефон байланысы және бейне тіркеу жүйесі орнатылады; (бейне тіркеу жүйесі су объектілері мен су шаруашылығы құрылыстарында жаппай демалу, туризм және спорт орнын ұйымдастырушының бастамасы бойынша орнатылады)

Сондай ақ ережелерде қауіпсіздік белгілерінің сипаттамасы нақтыланған:

• Шомылу орны! — Жасыл шеңберде ақ фонда. Үстінен жазу. Жазудың астында (жүзудің шекарасын метрмен көрсете отырып) жүзіп келе жатқан адам бейнеленген. Белгі ақ түсті бағанға бекітіледі
• Балалардың шомылатын орны! — Жасыл шеңберде ақ фонда. Үстінен жазу. Жазудың астында (жүзу шегі метрмен көрсетілген) суда тұрған екі бала бейнеленген. Белгі ақ түсті бағанға бекітіледі
• Шомылуға тыйым салынады (шекараларын метрмен көрсете отырып)! — Қызыл раманың ішінде ақ фонда. Жазу үстiңгі жағында. Төменгі жақта жүзіп келе жатқан адам бейнелеген. Бейне жоғарыдағы сол жақ бұрыштан бастап қызыл сызықпен диагональ бойынша сызылады. Белгi қызыл бағанға бекiтiледi.
• Мұз үстiмен жүруге болады! — Тұтастай жасыл түске боялады. Жазу ортасында ақ түстi. Белгi ақ бағанға бекiтiледi.
• Мұз үстiмен жүруге тыйым салынады! — Тұтастай қызыл түске боялады. Жазу ортасында ақ түстi. Белгi қызыл бағанға бекiтiледi.
• Толқуды тудырмаңыз! — Қызыл шеңбердің ішінде ақ фонда қызыл сызықпен сызылған қара түсті екі толқын бейнеленген. Белгі қызыл түсті бағанға бекітіледі
• Сүңгуге тыйым салынады! — Қызыл раманың ішінде ақ фонда. Жазу үстiңгі жағында. Төменгі жағында сүңгіп бара жатқан адам бейнеленген. Бейне жоғарыдағы сол жақ бұрыштан бастап қызыл сызықпен диагональ бойынша сызылады. Белгi қызыл бағанға бекiтiледi.
• Жүзу құралдарының қозғалысына тыйым салынады! — Қызыл раманың ішінде. Жазу үстiңгі жағында. Төменгі жағында iлме моторлы шағын көлемді кеме бейнеленген. Бейне жоғарыдағы бұрыштан бастап қызыл сызықпен диагональ бойынша сызылады. Жағажайдың акваториясын қоршайтын қалқыбелгілер бірге қойылады.
• Шағын көлемді кемелердің тұруына және тоқтауына тыйым салынады! — Қызыл шеңбердің ішінде ақ фонда қызыл сызықпен сызылған қара түсті "Р" әрпі бейнеленген. Белгі қызыл түсті бағанға бекітіледі
• Қауіпті! Иірім! — Қара жиектемедегі жасыл үшбұрыш ақ фонда және ортасында екі ирек көлденең сызықпен сызылған леп белгісі. Үстіңгі жағында "Қауіпті!" деген жазу. Төменгі жағында қара жиектемеде "Иірім!" деген жазу. Қалқымалы белгі, су кемерінен 5-10 метр жерде, тереңдіктер күрт алмасатын ауданға қойылады.
• Зәкірді лақтырмаңыз! — Қызыл шеңбердің ішінде ақ фонда қызыл сызықпен сызылған қара түсті Зәкір бейнеленген. Белгі қызыл түсті бағанға бекітіледі.
• Абайлаңыз, жұқа мұз! — Қызыл шеңберде ақ фонда. Жоғарыдан жазу. Төменде мұздың астына түскен адам бейнеленген. Сурет жоғарғы сол жақ бұрыштан диагональ бойынша қызыл сызықпен сызылған. Белгі қызыл түсті бағанаға бекітіледі.

Сонымен қатар, құжатта су айдындарында жаппай іс-шара өткізу туралы хабарлама нысаны жаңартылды.

Бұйрық 2025 жылғы 19 қаңтардан бастап қолданысқа енгізіледі.